习近平给普洱民族团结誓词碑盟誓代表后代的回信

普洱民族团结誓词碑盟誓代表后代：

你们好！来信收到了。

1951年，包括你们先辈在内的各族代表立碑盟誓，郑重许下同心同德跟党走的誓言。70多年来，各族群众一心向党、团结奋斗，推动边疆地区经济社会发展取得历史性成就，书写了民族团结进步生动篇章。

中华民族是一个大家庭，五十六个民族就是相亲相爱的一家人。希望你们发扬先辈光荣传统，更好续写誓词碑故事，让民族团结的佳话代代相传。各族人民都要把中华民族共同体意识牢记心间、融入血液，共守祖国疆土、共建美好家园，让民族团结进步之花越开越绚烂。

习近平

                                      2024年9月24日                                            

Xiq Jifpiq Nei Puhhei Ssaqqa Hovqlaol  Doqtaq Siqpieiv Doqtaq Caolhaol Ssaqssyuq A Buvqhuvq Miq Laq E Soqkaoq

Puhhei Ssaqqa Hovqlaol Doqtaq Siqpieiv Doqtaq Caolhaol Ssaqssyuq:

   Noyaq meeq ya!Buvq lal laq e soqkaoq bavqhha al.

   1951 huvq,noyaq e aqpyuq kevq meil e ssaqqa colhaol siqpieiv cuv ssol doqtaq taq,beelma lama maq pal loqmeil neema tavq neehaol tavq ssol gaofcada naogo ssuq ma leil e doqtaq buvqtaq. 70 huvq zeiq lal, ssaqqa ssaqlaol neema qiq siq siqjoq Gaofcada naogo qo’leiq ssol laolxav nei aolzaq hovqdol,milkaq milzeil zeiqsal huvqlavq hhaqhav tivqnei aol dav ssol yeilgaq miaoqmeeq meeqzav nei aolduv, ssaqqa laolxav nei hovqcuv taoldav aol e doqmeeq doqsal soqkaoq buvqduv al.

   Zaolhuaq ssaqqa aq hovqma lama qiq mol ngeel nga,ngavqceil kuvq qa ssaqqa gaqzaq hhyulzaq nia e qiq hhovq col nga.Noyaq aqpyuq aqbol e yeilxa pyuqzaq ssaoqnei aolmeeq,doqtaq siqpieiv yeilgaq aqzeiq meeq laqmeil buvqduv,ssaqqa laolxav nei gaqzaq nia e doqmeeq doqsal qiq ciivq qiq ciivq meil tavqxa heil. Ssaqqa ssaqlaol saqnei zaolhuaq ssaqqa tavqpaoq neenyuq neehaol a hha nyuqtaq, sivqsal hholqei hha bi kevqli, aqpyuq milhaoq  zaoqgao luvq,cuqma milsal zaoqgao cuv,ssaqqa hovq cuv taoqdav cuvlaol e yeivmeeq yeivzaq niq yeiv niq bi gaq.

                        Xiq Jifpiq

                   2024 huvq 9 la 24 nao