Sangd zos leuf ib lot lol: Beb dex lol ndrual sheud ged drout ndox shod lal souk zhes drout ndox shod. Lot lol nat muax ndot jaix nyaob shout ngis muax nbet hend, fenf ndout haik let yaos ib zox ged gus dob geuf nyaob hod lob nenx geuf ndeud dob yuad tlout dluat let.

想起了一句话：我们的故事始于夏天也终于夏天。这句话有段时间在网上很火，大概说的是作为学生在读书生涯中都要经历的一个过程。

God sangd, haik dout zhit chuat hof ged, dangb guas chaob dob lal shout haik dout nyaos uat nat. Uat dol dob geuf, beb fenf ndout nyaob lob jaix nat zix lob deb qeut it duax zos lob deb qeut nat, daol touk geuf dad lal fenf ndout yuad nyaob lob jaix nat zix lob deb qeut nat njaif mol drout luf ib lob deb qeut.

我想，说得不是很准确，但基本上也可以这样总结。作为学生，我们差不多是这些时候从那个地方来到这个地方，等要毕业时也差不多是在这些时候要从这个地方离开到另一个地方。

Lot lol suk nat hax muax ndout ndout, suk let haik dak hlout uat let zhed geuf dlex ndlul let dob geuf, muax dex huaf nyaob hod shif pinx gus ib cat guk ndeud keuk lol fed rongt drout dob geuf dad jeuf zeux shaib bof guk ndeud mex keuk shid lot lol nat.

这样的话还有很多，比如说铁打的学校流水的学生，有时候在一些老师给毕业生祝福语的视频中就会看到老师引用这句话。

Let nat, haik drout beb, yaos lol ndrual sheud ged drout ndox shod lal souk zhes drout ndox shod, zhenf haik drout guk ndeud, zeuf yaos hlout uat let zhed geuf dlex ndlul let dob geuf.

所以对我们来说，是故事始于夏天也终于夏天，而对老师来说，就是铁打的学校流水的学生。

Yaos let, ib xongt ib ras let jaix geuf dad zhas zos lak, jaix nyongs tlout dout shait hend, suk gus cax shik nzhib, hax leud zhit juas shik boub zeuf zhas yuad shik njaif leuf.

是啊，一年一度的毕业季又到了，时间过得太快，好像才刚见面，还来不及认识就又要再见了。

Suk let daof ndex ral ndenl geuf dad souk ghangb daof ghangb, guk ndeud mex tab dob geuf mex zhas nyaob hod qenx zaik dreud haik dex lol shab sangd gus nyaob shout ndenl haik zhit dangl, muax nenb dot shab lal muax nenb rongt shab, rongt shab lal zhit yaos rongt shab das, nil mex zhos yaos sangd hlod luf zox ged lol nyal keuk ros drout nyal——Shik njaif daof ghangb zhes dout dob yaos shik nzhib.

就像之前毕业晚会结束以后，老师和学生又在群里续说着晚会上还未道尽的感慨，有人伤心也有人高兴，高兴也不是真的高兴，他们只是想换另一种方式来鼓励彼此——分别以后剩下的都是相聚。

Haik khat daof ghangb, guk ndeud hmaob haik leuf ib lot dex nzhab lol fenf ndout yaos zeuf dak shik njaif daof ghangb zhes dout dob yaos shik nzhib, dangb shik khaod das ndout ndout let yaos, haod ndout nenb shik njaif daof ghangb ib shif nenx dob zhit zeux draod shik nzhib leuf, daof ghangb duaf cix nyal mol rongt nyal zox ged jeuf rongt.

诉说之余，熊老师说了一句大致意思是虽然说分别以后剩下的都是相聚，但事实上更多的是，很多人分别之后一辈子都不会再见面，以后大家走好各自的路就是。

Lot lol nat yaos das, god nzhens dout lal nplaok drous haod ndout nenb lob shab leuf. Touk ndex cuat hnob shik nzhib, zeuf sangd dak daof ghangb yuad draod shik nzhib bof ib muas lal dangb dangb yaos lob mid bloub, daol zos geuf dad daof ghangb, nyal tlat mol nyal qeut dleb cax hnaod dout touk ndeuf dex zhos yaos yout zhit boub dangb, nyaob hod khaod das zhit muax lenx dus gangd uat shab das das uat zos lot lol nat, duaf cix dob zhos yaos nyaot hout dreud mol rongt yol zox ged.

这句话是事实，我相信也戳到了很多人的心。曾经天天见面，就觉得以后再要相聚见一面也不过是小事，等到毕业以后，各自奔赴远方才感到原来那只是懵懂无知，现实中没有谁真正有勇气做到这句话，大家都只是埋头忙着走好自己的路。

Guk ndeud hmaob yaos ib dol nenb dous zox loul, lal yaos ib dol guk ndeud loul, nil uat drout beb ged geuf dex cuat yangf dout dad deuf los, lal zhit muax khaod zhit nzhens. Hnaod haik nil lal yuad shot loul lak, hnob it njet ndenl haik lol dout shuab zouk shab bod, shab sangd ndout ndout, hax wef nil cuat dol dob geuf nyaob shout ndenl hot dout rangx ngoux. God sangd, nil yuad zuas shab dex jaix nyongs uat nat tlout beb cuat dol, nil yuad boub dluat beb lenx dus sex zeux muax ib hnob uat nat duax zos, nil hnaod dout dex shab sangd yuad dob dluat beb cuat dol.

熊老师是一位老学者，同时也是一位老教师，他对我们专业所做的一切成就卓越，也毋庸置疑。听说他也快退休了，那天上台演讲得声情并茂，感慨万千，还为他在场的所有学生演唱了一曲。我想，他比我们任何人都更珍惜这样的时光，他比我们任何人都懂得总会有这么一天到来，他比我们任何人的感受都更深刻。

Njot zos daof ndex mol nongs dluat ib ras ndenl haik, muax lot lol njot dout druax kaod, haik dak zhed geuf suk let ib lob mid drongb, guk ndeud zeuf suk shout drongb dex nenb shaib xuak, dob geuf zeuf nyaob shout drongb nyaob hod guk ndeud dex cuat yangf hmaod hlob tab maob shab hlob hlangd, ghuak njaif ndax deb, sex daol beb zos jaix nyongs njaif lob mid drongb mol njis lob naf had. Uat dol guk ndeud, nil mex zeux shab nchait beb nyaob shout mid drongb uat nat zeux hlob zhit dad, dangb shik zhas nchait beb hlob dad, wef khaod zhos muax nil mex boub dout ngangs drout shef huef suk let ngangs drout ib lob naf had, beb zhit boub yol yuad nzhib drous dex zouk nchait let jangl.

想起之前去听过的一个讲座，有句话印象特别深刻，说学校就像一座小岛，老师就像岛上的管理员，而学生就在小岛上在老师的所有庇护和关怀下生存，与世隔绝，然后一直等到我们是时候离开小岛去遨游大海。作为老师，他们会担心我们在岛上这样会长不大，但又害怕我们长大，因为只有他们知道进入社会就像进入一片大海，我们不知道自己即将面临的是怎样的凶险。

Zhoub Jix Lunx muax rangx ngoux lot ngoux hot dak haik leuf shik nzhib dluat cax boub dout draod shik nzhib zhit dout, yuad yaof khaod das uat nat das lak. Beb duab nens zhos muax touk ib dol muax dout mol lol drout ib dol, cax zeux sangd dout yuad dous mongt ib blas, zhit let zhit muax khaod yuad drous dob zhit zeux dous mongt, lal langx uat zos shik nzhib bof ib muas, zeuf suk uat dout dob geuf nyaob shout zox ged geuf ndeud, beb yaos wef khaod nyaob shout cat zox ged muax khaod shik suk cax zeux mol dout uat get, cax zeux zhangt ndrel ged mol lol, zhit let zhit muax khaod shik suk, beb zeuf mol zhit doul uat get, lal zhit zeux shik nzhib shik boub, tab muax dlangb zhit ged mol lol. Fenf ndout jaix nyongs, shik nzhib dluat lob nzhab lol khaod das zeuf yaos draod shik nzhib zhit doul, haik leuf shik nzhib dluat daof ghangb zeuf draod shik nzhib zhit doul das leuf.

周杰伦有句歌词唱的是说了再见才发现再也见不到，或许确实真的如此吧。我们人之间只有存在某种关系的时候，才会想到要联系一下，否则非必要都不会联系，也更不可能相聚见一面，就像作为学生在读书生涯中，我们是因为在某种程度上有共同之处才会走到一起，才会建立起联系，不然没有共同之处，我们就不可能走到一起，也不可能互相认识，然后有任何联系。很多时候，再见的意思其实就是再也不见，说了再见以后就真的再也不见了。

God lal shab ncheut beb zhit zeux hlob dad, uat let nat suk let jeuf zhit zeux shik njaif leuf, lal nchait beb zhit zeux hlob dad, wef khaod beb drik ndrangt ndangt hnyangd, beb hax muax nyal zox ged yuad mol, god zhit hof zud taid, beb lal yuad zeux hlob dad.

我也好希望我们不要长大，这样好像就不用分别了，也害怕我们不会长大，因为我们身负重任，我们还有自己的路要走，我不该阻止，我们也一定会长大。

作者：云南民族大学 2021级苗语班  杨兴强