ᦟᦴᧅ ᦜᦱᧃ ᦆᦱ ᦟᦳᧃ ᦖᦴᧈ ᦎᦻᧈ ᦶᦗᧁ ᦈᦱ ᦵᦟᦲᧅ ᦅᧄ ᦔ ᦎᦲᦰ ᦍᦱᧃ ᦘᦱ ᦉᦱ ᦗᧃ ᦒ ᦓᧂ ᦂᧃ ᦑᦲᧈ ᦘᦴ ᦵᦁᦲ：
ᦉᦴ ᦈᧁᧉ ᦡᦲ！ ᦟᦻ ᦣᧇ ᦺᦡᧉ ᦵᦠᦲᧃᧉ。ᦔᦲ ᦱ᧙᧕᧑ ᦷᦎ，ᦗᦸᧂᦰ ᦑᧂ ᦷᦋᧈ ᦔᦴᧈ ᦖᦸᧃᧈ ᦉᦴ ᦈᧁᧉ ᦖᦴᧈ ᦎᦻᧈ ᦶᦗᧁ ᦋᦴᧈ ᦘᦱ ᦉᦱ ᦂᦸᧈ ᦶᦔᧂ ᦈᦱ ᦵᦟᦲᧅ ᦅᧄ ᦔ ᦎᦲᦰ ᦍᦱᧃ，ᦊᦲᧃᧈ ᦃᦱᧄᧈ ᦈᧅ ᦔᦲᧃ ᦈᦲᧆ ᧑ ᦺᦈ ᦵᦡᧁ ᦂᧃ ᦑᦽ ᦋᦸᧄ ᦑᦱᧂ。 ᧗᧐ ᦔᦲ ᦔᦻ ᦙᦱ，ᦋᦳᧄ ᦜᦻ ᦋᦴᧈ ᦘᦱ ᦉᦱ ᦔᦲᧃ ᦈᦲᧆ ᧑ ᦺᦈ ᦵᦡᧁ ᦂᧃ ᦎᦸᧈ ᦑᦱᧂ、ᦗᧃ ᦒ ᦓᧂ ᦂᧃ ᦆᦹᧇ ᦢᧃ，ᦑᦳᧃᧉ ᦍᦴᧉ ᦠᦹᧉ ᦞ ᦏᦳ ᦂᦱ ᦟᦰ ᦢᦱᧃᧉ ᦵᦙᦲᧂ ᦗᦻ ᦃᦸᧇᧈ ᦑᦱᧂᧉ ᦶᦑ ᦆᧄ ᦔᦳᧂᧈ ᦵᦓᦲᧂ ᦵᦣᧆ ᦠᧃ ᦺᦡᧉ ᦷᦎᧅ ᦑᦲᧈ ᦔᦲᧃ ᦡᦲ ᦗᦻ ᦀᦸᧃ ᦢᧁᧈ ᦠᦸᧃᧈ ᦙᦲ ᦓᧃᧉ，ᦷᦂᧆ ᦶᦎᧄᧉ ᦆᦱᧁᧈ ᦂᦱᧃ ᦡᦲ ᦘᦱ ᦉᦱ ᦗᧃ ᦒ ᦓᧂ ᦂᧃ ᦈᧄᧈ ᦵᦟᦲᧃ。
ᦘᦱ ᦉᦱ ᦷᦋᧂᧈ ᦩᦱᧉ ᦔᦲᧃ ᦊᦱᧁᧉ ᦵᦣᦲᧃ ᦺᦊᧈ ᦷᦜᧂ ᧑，᧕᧖ ᦘᦱ ᦉᦱ ᦣᧅ ᦶᦗᧂ ᦔᦲᧃ ᦅᦳᧃ ᦵᦣᦲᧃ ᦵᦡᧁ ᦂᧃ。ᦛᧂ ᦠᦹᧉ ᦉᦴ ᦈᧁᧉ ᦶᦕᧈ ᦵᦓᦲᧂ ᦂᦱᧃ ᦟᦹᧇ ᦉᦹᧇᧈ ᦵᦣᦲᧈ ᦵᦣᦲᧂ ᦷᦋᧈ ᦔᦴᧈ ᦖᦸᧃᧈ，ᦷᦂᧆ ᦶᦎᧄᧉ ᦆᦱᧁᧈ ᦓᦲᧉ ᦍᦻ ᦈᦱ ᦵᦟᦲᧅ ᦅᧄ ᦔ ᦎᦲᦰ ᦍᦱᧃ ᦶᦩᧃᧉ ᦡᦲ，ᦠᦹᧉ ᦆᦱᧁᧈ ᦂᦱᧃ ᦡᦲ ᦘᦱ ᦉᦱ ᦗᧃ ᦒ ᦓᧂ ᦂᧃ ᦷᦋᧈ ᦎᦸᦰ ᦷᦋᧈ ᦔᦱᧃ ᦎᦸᦰ ᦔᦱᧃ ᦌᦸᧃᧉ ᦉᦹᧇᧈ ᦺᦔ。ᦺᦘᧈ ᦵᦙᦲᧂ ᦋᦴᧈ ᦘᦱ ᦉᦱ ᦡᦲ ᦺᦡᧉ ᦀᧁ ᦩᦱᧄ ᦅᦹᧆ ᦘᦱ ᦉᦱ ᦷᦋᧂᧈ ᦩᦱᧉ ᦔᦲᧃ ᦖᦴᧈ ᦋᦳᧄ ᦵᦡᧁ ᦂᧃ ᦈᦹᧈ ᦖᧃᧉ ᦃᧁᧉ ᦷᦖᧅ ᦃᧁᧉ ᦺᦈ、ᦃᧁᧉ ᦵᦟᦲᧆ ᦊᦱᧂ ᦂᧇ ᦷᦎ，ᦘᦸᧄᧈ ᦂᧃ ᦚᧁᧉ ᦶᦠᧃ ᦓᧄᧉ ᦡᦲᧃ ᦢᦱᧃᧉ ᦵᦂᦲᧆᧈ ᦵᦙᦲᧂ ᦔᦲᧃ、ᦘᦸᧄᧈ ᦂᧃ ᦉᦱᧂᧉ ᦶᦎᧂᧈ ᦢᦱᧃᧉ ᦷᦃᧂᧈ ᦐᧄ ᦇᦱᧄ ᦉᦳᧅ ᦕᦸᦰ ᦊᦸᧈ ᦒᦸ ᦺᦈ，ᦠᦹᧉ ᦂᦱᧃ ᦘᦱ ᦉᦱ ᦗᧃ ᦒ ᦓᧂ ᦂᧃ ᦈᧄᧈ ᦵᦟᦲᧃ ᦵᦍᧂᧈ ᦵᦣᧆ ᦵᦍᧂᧈ ᦡᦲ。
ᦌᦲᧉ ᦈᦲᧃᧈ ᦘᦲᧃᧉ
滇公网安备 53010202000744号 